اسلام آباد۔13دسمبر (اے پی پی):وفاقی وزیر بحری امور علی حیدرزیدی آکھیے جو اڳلے کجھ مہینے اچ ترائے توں چار نویں بحری جہاز مل ڳھدے ویسن۔ سنوار کوں آپݨے بیان اچ انہاں آکھیے جو ٹگ بوٹس، جیڑھے بحری جہازاں کوں برتھ کرݨ کیتے استعمال ہوندیاں ہن پچھلے پنج سالاں اچ پورٹ قاسم اتھارٹی چار ٹگ بوٹس کرائے تے گھنݨ کیتے یومیہ 29ہزار ڈالرزادا کریندا پیا ہئی ۔ایں حوالے نال مالی معاملات دے کجھ محتاط انتظام دے بعد اساں ٹینڈرنگ دے عمل دے ذریعے ٹگ بوٹس اتے پائلٹ بوٹس مل ڳحدن جیں توں ہزاراں ڈالرز دیاں ادائیگیاں دی بچت کیتی ڳئی۔علی زیدی مزید آکھیے جو اساں کے پی ٹی دی کارکردگی ودھاوݨ کیتے ٹگ بوٹس وی منگوائن ۔ اے تقریباً 65 ملین ڈالر دا پراجیکٹ ہئی جیں کیتے اساں پبلک سیکٹر ڈویلپمنٹ پروگرام توں کوئی فنڈنگ نی ڳھدی ۔ پوری رقم بندرگاہواں دی اپݨی آمدن توں ادا کیتی ڳئی۔علی زیدی آکھیے جو شپنگ تے ایل این جی دی ترسیل دے اثرات کوں گھٹ کرݨ کیتے ، 49 کلومیٹر طویل چینل اچ نائٹ نیویگیشن دی اجازت ݙیوݨ کیتے ، ڈریلنگ دے ذریعے جھکا تے چوڑا کرݨ دی لوڑھ اے ، ایں منصوبے دی لاڳت تقریباً 258 ملین ڈالر اے اتے ایندی مالی اعانت وی پی ایس ڈی پی توں کائناں تھیسی ۔
