اسلام آباد۔19ج??ن (اے پی پی):وزیر خارجہ مخدوم شاہ محمود قریشی انطالیہ سفارتی فورم دے موقع تے ہفتے کوں کویت دے اپݨے ہم منصب شیخ ڈاکٹر احمد ناصر المحمد الصباح نال ملاقات کیتی ، ݙوہیں وزرائے خارجہ پاکستان تے کویت وچال دیرپا اسٹریٹیجک شراکت کاری کیتے جامع پلان مرتب کرݨ تے اتفاق کیتے ۔دفتر خارجہ موجب دوران ملاقات ݙو طرفہ تعلقات ،مختلف شعبہ جات اچ ݙو طرفہ تعاون دے ودھارے سودھے سانجھی دلچسپی دے امور تے ڳال کیتی ڳئی ۔وزیر خارجہ آکھیے جو پاکستان کویت دے نال اپݨے تعلقات کوں ٻہوں اہمیت ݙ??ندے جیڑھا جو مشترک عقیدے ??تے اقدار دے گہرے بندھن تے استوار ہن۔کویت اچ رہݨ آلے پاکستانی گزریل کئی دہائیاں توں کویت دی تعمیر و ترقی اچ آپݨا حصہ پیندے پئن ۔وزیر خارجہ ویزیں تے لاتیاں ڳیاں پابندیاں اچ پاکستان کیتے نرمی کرݨ تے کویتی وزیر خارجہ دا شکریہ ادا کیتے تے آکھیے وج پاکستان، فوڈ سیکورٹی دے شعبے اچ کویت دی معاونت کرݨ کیتے تیار اے ۔
