اسلام آباد۔21اکت??بر (اے پی پی) وزیراعظم محمد شہباز شریف سیمی کنڈکٹر پروگرام کوں ویلھے دی اہم لوڑھ قرار ݙیندیں ہوئیں آکھیا جو دنیا اچ سیمی کنڈکٹرز دے حوالے نال بیانیے دی جنگ جاری اے، سیمی کنڈکٹرز اتے مصنوعی ذہانت تے عبور حاصل کرݨ آلی قوماں ای دنیا دے مستقبل تے حکمرانی کریسن، سیمی کنڈکٹر پاکستان دے مستقبل اتے نینگر نسل دا منصوبہ اے، آئی ٹی، اے آئی اتے سیمی کنڈکٹرز سویں شعبیاں اچ نینگریں دی تربیت ضروری اے، حکومت منصوبے کیتے ٻئے وسائل وی مہیا کریسی۔ اے ڳالھیں انہاں منگل کوں پاکستان اچ سیمی کنڈکٹر کیتے انسپائر انیشی ایٹو دے اجراء دی تقریب توں خطاب کریندیں ہوئیں کیتی۔ تقریب اچ نائب وزیراعظم تے وزیر خارجہ اس??اق ڈار، وفاقی وزیر انفارمیشن ٹیکنالوجی شزا فاطمہ خواجہ، وفاقی وزیر منصوبہ بندی تے ترقی احسن اقبال، وفاقی وزیر اطلاعات تے نشریات عطاء اللہ تارڑ، وفاقی وزیر تجارت جام کمال خان، وفاقی وزیر سائنس تے ٹیکنالوجی خالد مگسی، وزیراعظم یوتھ پروگرام دے چیئرمین رانا مشہود احمد خاں، معروف ماہر ٹیکنالوجی ڈاکٹر نوید شیروانی، اُچے سرکاری حکام، ٹیکنالوجی ماہرین، اہل علم اتے طالب علماں شرکت کیتی۔ وزیراعظم آکھیا جو سیمی کنڈکٹر پروگرام ویلھے دی اہم ترین لوڑھ اتے ہک تاریخی اقدام اے، ایںد?? تیاری اچ حصہ ݙیوݨ آلے سارے لوکاں دا کردار لائق تحسین اے، دنیا اچ سیمی کنڈکٹرز دے حوالے نال بیانیے دی جنگ جاری اے، اللہ تعالیٰ پاکستان کوں قدرتی وسائل نال نوازیے، اس??ݙی ذمہ داری اے جو وسائل توں بھرپور فیدہ چاوݨ اتے قوم کوں ایں توں آگاہ کروں۔ انہاں آکھیا جو سیمی کنڈکٹر پاکستان دے مستقبل اتے نینگر نسل دا منصوبہ اے، سیمی کنڈکٹرز اتے مصنوعی ذہانت تے عبور حاصل کرݨ آلی قوماں ای دنیا دے مستقبل تے حکمرانی کریسن، سرکاری شعبے دے ترقیاتی پروگرام اچ ایں منصوبے کیتے 4.5 ارب روپے رکھّے ڳئن، اے ہک آغاز اے، حکومت منصوبے کیتے ٻئے وسائل وی مہیا کریسی۔ وزیراعظم آکھیا جو نینگر نسل کیتے ٻئے وی مختلف پروگراماں تے کَم تھیندا پئے، پاکستان ڈیجیٹل اتھارٹی قائم تھی ڳئی اے، ایف بی آر کوں 100 فیصد ڈیجیٹائز کیتا ویندا پئے، حکومت ڈیجیٹل پاکستان وژن دے تحت کئی منصوبے شروع کیتن، ایف بی آر ڈیجیٹائزیشن، کیش لیس اکانومی، ڈیجیٹل والٹس اہم منصوبیاں اچ شامل ہن، ٻئے ملکاں وی پاکستان اچ شروع کیتے ونڄݨ آلے پروگراماں دی تعریف کیتی اے۔ وزیراعظم آکھیا جو رمضان المبارک اچ مستحق افراد کیتے 20 ارب روپے مختص کیتے ڳئن، یوٹیلٹی سٹورز اچ وݙے پیمانے تے کرپشن تھیندی ہئی، لائناں لڳیاں رہندن، ایںکوں ہمیشہ کیتے بند کر ݙتا ڳئے، اس??ں ایںدی ڄاہ رمضان اچ ڈیجیٹل والٹس دے ذریعے 20 ارب روپے مستحقین کوں سِدھی منتقل کیتے، ڈیجیٹل والٹس ملک دی تاریخ اچ آپݨی نوعیت دا پہلا تجربہ ہا، آوݨ آلے سال ایںکوں ٻیا ود??ایا ویسی، حکومت پاکستان دا ڈیجیٹل وژن اگے ود??یندو۔ وزیراعظم آکھیا جو نینگر اس??ݙا اثاثہ اتے سب توں قیمتی سرمایہ ہن، آئی ٹی، اے آئی اتے سیمی کنڈکٹرز سویں شعبیاں اچ نینگریں دی تربیت ضروری اے، انہاں کوں جِتنی وی تربیت ݙوا سڳسو ݙویسوں، ایں شعبے اچ بہوں اس??عداد اے، اس??کوں ہݨ ایں کیتے بھرپور کَم کرݨا پوسی۔ وفاقی وزیر انفارمیشن ٹیکنالوجی فاطمہ خواجہ آکھیا جو اڄ ہک تاریخی ݙینھ اے، پاکستان اچ پہلی واری نیشنل سیمی کنڈکٹر پروگرام دا اجراء کیتا ڳئے، وزیراعظم دی سربراہی اچ نیشنل سیمی کنڈکٹر پروگرام دا اجراء تاریخی سنگ میل اے، پروگرام وزیر اعظم دے وژن ڈیجیٹائزیشن پاکستان دے تحت اہم پیش رفت اے۔ پروگرام صرف ٹیکنالوجی منصوبہ نئی بلکہ خود انحصاری اتے معاشی خود مختاری دی بنیاد اے، منصوبے دے پچھے ݙینھ رات دی محنت کئی ٹیماں اتے ماہرین دی کوششاں شامل ہن، وزیراعظم دی قیادت اچ ڈیجیٹل وژن اتے نینگریں تے اعتماد ایں خواب کوں حقیقت اچ بدلیے، فیلڈ مارشل سید عاصم منیر اتے ایس آئی ایف سی دی ٹیم وی ایں اچ بہوں اہم کردار ادا کیتے، منصوبے دے تحت 7200 نینگریں کوں جدید ٹیکنالوجی اچ تربیت ݙتی ویسی، اے ݙو سالہ منصوبہ اے، منصوبے دے تحت 9 یونیورسٹیاں دے کلسٹر قائم کیتے ویسن اتے 6 جدید ترین انٹیگریٹڈ سرکٹ دی لیبارٹریاں تیار کیتی ویسن۔ انہاں آکھیا جو وزیراعظم دی قیادت، اعتماد اتے سرپرستی دا نتیجہ اے جو اڄ اس??ں نویں دور اچ داخل تھیندے پئیوں ، اس??ں ناممکن کوں ممکن کر تے ݙیکھیسوں اتے پاکستان آپݨے پَیر تے کھڑ ویسی۔ ڈاکٹر نوید شیروانی آکھیا جو سیمی کنڈکٹرز مستقبل اچ ڈیٹا دی حفاظت اچ کلیدی حیثیت رکھسن، پاکستان نیشنل سیمی کنڈکٹر پلان اچ ایں منصوبے کوں شامل کیتا ڳئے، میکوں خوشی اے جو اس??ں پہلا قدم ݙتے، سائبر سکیورٹی اتے سیمی کنڈکٹر دے بغیر ترقی دا عمل اگوں نئی ونڄ سڳدا۔ سیمی کنڈکٹر انڈسٹری تے کَم کرݨ دی لوڑھ اے، پاکستان اتے سعودی عرب وی ایں سلسلے اچ آپس اچ تعاون کریسن، ایں شعبے اچ اس??کوں خود کفالت حاصل کرݨی پوسی ایں توں علاوہ اس??ݙے کیتے ٻیا کوئی چارہ کائنی۔ ایں توں پہلے وزیراعظم محمد شہباز شریف نیشنل سیمی کنڈکٹر پروگرام دا باضابطہ اجراء کیتا۔ سیمی کنڈکٹر پروگرام تے وزارت انفارمیشن ٹیکنالوجی تے ٹیلی کمیونیکیشن دی سربراہی اتے پاکستان سافٹ ویئر ایکسپورٹ بورڈ دے ذریعے عمل کیتا ویندا پئے جئیں دے ذریعے پاکستان باضابطہ طور تے عالمی سیمی کنڈکٹر صنعت اچ داخل تھی ڳئے جئیں دا حجم ایں ویلھے 600 ارب ڈالر توں ود?? مالیت دا اے اتے 2030ء تئیں اے ہک ٹریلین ڈالر توں ود?? جاݨ دا امکان اے۔ پاکستان دے نیشنل سیمی کنڈکٹر ڈویلپمنٹ روڈ میپ دے پہلے مرحلے اچ انسپائر آؤٹ سورسڈ اسمبلی اینڈ ٹیسٹنگ اتے فیبریکیشن دیاں صلاحیتاں دی بنیاد رکھیسی جئیں نال پاکستان عالمی سیمی کنڈکٹر سپلائی چین اچ فعال کردار ادا کر سڳیسی۔ انسپائر دے آغاز نال پاکستان ہک نویں ڈیجیٹل تبدیلی دے دور اچ داخل تھی ڳئے جیہڑی جدت، نینگریں دی صلاحیت اتے بین الاقوامی تعاون توں عبارت اے۔ ایں اقدام نال پاکستان کوں عالمی سیمی کنڈکٹر انڈسٹری اچ ہک قابلِ اعتماد شراکت دار دے طور تے کردار ادا کرݨ دا موقع مِلسی اتے ملک کیتے ٹریلین ڈالر مالیت دی عالمی ٹیکنالوجی معیشت دا حصہ بݨݨ دی راہ ہموار تھی ویسی۔
