لاہور۔ 20 ستمبر (اے پی پی) پنجاب دے زیادہ تر دریاواں وچ پاݨی معمول تے آڳئے جیندی وجہ نال چھل نال متاثر تھئے علاقیں وچ پاݨی دی سطح گھٹ تھی ڳئی اے ۔ پی ڈی ایم اے دے ترجمان آکھیے جو دریائے ستلج گنڈا سنگھ والا تے پاݨی 1 لکھ 4 ہزار کیوسک اے جݙاں جو سلیمانکی تے پاݨی 81 ہزار کیوسک اے۔ دریائے چناب وچ مرالہ تے پاݨی 42 ہزار کیوسک اے، خانکی ہیڈ ورکس تے پاݨی 44 ہزار کیوسک اے، قادرآباد تے پاݨی 37 ہزار کیوسک اے جݙاں جو ہیڈ تریموں تے پاݨی 41 ہزار کیوسک اے۔ ایویں پنجند تے پانی 1 لکھ 33 ہزار کیوسک اے۔ ترجمان موجب دریائے راوی وچ جسڑ تے پاݨی 8 ہزار کیوسک اے، شاہدرہ تے پاݨی 9 ہزار کیوسک اے، بلوکی ہیڈ ورکس تے پاݨی 31 ہزار کیوسک اے جݙاں جو ہیڈ سدھنائی تے پاݨی 29 ہزار کیوسک اے۔ ڈی جی پی ڈی ایم اے عرفان علی کاٹھیا آکھیے جو وزیراعلیٰ پنجاب دی ہدایات پاروں محکمہ الرٹ اے
