اسلام آباد۔26ستمبر(اے پی پی) وفاقی وزیر توانائی سردار اویس احمد خان لغاری آکھیے جو گردشی قرضہ پاکستان کیتے وبال جان اے، پی ٹی آئی دے دور حکومت اچ گردشی قرضے اچ ریکارڈ وادھا تھئے?? پاکستان مسلم لیگ (ن) دی حکومت ہک سال اچ گردشی قرضے اچ 780 ارب روپے دی ریکارڈ کمی کیتی،چھی سالاں دے اندر گردشی قرض دا ناں تئیں نہ راہسی، آئی پی پی دے معاہدیں تے نظرثانی کرتے ارباں روپے دی بچت کیتی، 1225 روپے دے گردشی قرضیں دا بینکاں دے ذریعے حل کڈھیے، توانائی دے شعبے اچ اصلاحات حکومت دی پہلی ترجیح ہن۔میڈیا نال ڳالھ کریندے سردار اویس خان لغاری آکھیا جو گردشی قرضہ پاکستان کیتے ہک وبال جان اے،2018 اچ جݙاں پاکستان مسلم لیگ (ن) دی حکومت ختم تھئی تاں گردشی قرضہ تقریباً 1100 ارب روپے ہئی، جݙاں نویں پاکستان دی حکومت دا دور ہئی تاں 2022 اچ گردشی قرض دا حجم 1100 ارب روپے توں ودھ تے 2250 ارب روپے تئیں پڄ چُکیا ہئی۔ جݙاں پاکستان مسلم لیگ (ن) ڈو واری حکومت سنبھالی تاں اے تقریباً 2400 ارب روپے دے آس?? پاسے منڈلیندا پیا ہئی۔انہاں آکھیا جو ہک سال دے اندر اساں 780 ارب دا بغیر کہیں ݙو نمبری دے کمی کیتے، چوری اتے ضیان کنٹرول کرتے گردشی قرضے اچ کمی کیتی ڳئی، معیشت سنبھلݨ اتے شرح سود اچ کمی نال 175 ارب دی بچت تھئی، گردشی قرض اچ363 ارب دی گھٹکی تھئی، آئی پی پیز نال مذاکرات اتے پورے طور تے ہک سال اچ ضیان دی مد اچ 242 ارب روپے دی بچت تھئی۔انہاں آکھیا جو بینکاں دے نال قرض کوں ختم کرݨ کیتے معاہدہ کیتا ڳئے، 18 بینکاں دے نال معاہدہ کیتا کہیں بینک کوں کوئی ممانعت نہ ہئی، ٹاسک فورس کوں ایں معاہدے دا کریڈٹ ویندے،6 سالاں دے اندر گردشی قرض دا ناں تئیں نہ رہسی۔ سرچارج 3 روپے 23 پیسے جیڑھے صارفین توں ڳھدے ویندے پئن ہݨ اے سرچارج وی 5 توں 6 سال اچ ختم تھی ویسی۔ گردشی قرض دا بہتر شرح سود ہمیشہ کیتے خاتمہ کیتا ویسی?? پاکستان دی معیشت انرجی سیکٹر تے منحصر اے، ایجھا وݙا قدم نال ہݨ معیشت اچ مزید بہتری آس??۔اویس لغاری آکھیا جو تقریباً 8 سو ارب دا گردشی قرض بغیر کہیں قرضے دے ختم کیتا ڳیا، گردشی قرض کیتے ساݙھے ترائے توں ساݙھے پنج فیصد سود دی بچت کیتی ڳئی۔ انہاں آکھیا جو دنیا اچ کوئی ٻئی معیشت نی جیں اچ گردشی قرض دا ٻوجھ ہووے، ڈسکوز دے بورڈز دی کارکردگی اچ نقصانات اچ کمی دے نتیجے آندے پئن، انڈسٹری کوں 38 فیصد جݙاں جو ہک کروڑ 80 لکھ صارفین کوں 50 فیصد گھٹ ٻوجھ تے بجلی ملدی پئی اے، سولر نیٹ میٹرنگ دے ریٹس دی ایں ویلھے خوفناک صورتحال اے، سوا ترائے کروڑ لوکاں دے ریٹس گھٹ ہوسن جے سولر میٹرنگ دے ریٹس تے نظرثانی تھیوے، گردشی قرض کیتے کائبور ریٹس مائنس 0.9 فیصد تے طے پاتے۔انہاں آکھیا جو پاور سیکٹر دا ڈالر ڈیٹ ٻہوں گھٹ تھئے، گردشی قرض دے حوالے نال آئی ایم ایف دے نال پوری بحثاں تھئن، آئی ایم ایف دے نال رل تے گردشی قرض دے حوالے نال معاہدے تھئن، آئی ایم ایف مشن اقتصادی جائزہ کیتے پاکستان موجود اے۔ جیں دے نال اڄ وی گردشی قرض اتے ??ئے کماں تے ڳالھ مہاڑ تھئی۔ اویس لغاری آکھیا جو حکومت ایجھیاں حداں طے کر ڳھدن جیں نال آندے ویلھے اچ پاور سیکٹر دے اندر نہ صرف انویسٹرز بلکہ کنزیومرز اتے بینکس دے نال وی زیادہ اعتماد دا ماحول پیدا تھیسی۔ گردشی قرضے دی اے سکیم پاکستان دی تاریخ اچ ایجھی سکیم اے جو باقاعدہ پلاننگ دے ذریعے گھن آئی ڳئی اے جیں دا باقاعدہ افتتاح اتے اعلان کجھ ݙینھ پہلے وزیراعظم شہباز شریف کیتا۔
.jpg)
