اسلام آباد۔30ستمبر(اے پی پی) ا??دن?? متحدہ عرب امارات، انڈونیشیا، پاکستان، تُرکیہ، س??ودی عرب، قطر اتے مصر دے وزرائے خارجہ غزہ اچ جنگ مکاوݨ کیتے امریکی صدر دیاں کوششاں دی تعریف کریندے آکھیے جو امریکی صدر امن دی راہ کݙھݨ دی صلاحیت رکھدن۔ وزارت خارجہ آکھیے جو مشترکہ بیان اچ انہاں ملکاں دے وزرائے خارجہ خطے اچ امن کیتے امریکا نال ساڄھے داری تے زور ݙیندے صدر ٹرمپ دے اعلان دا ??یرمقدم کیتے جیندے اچ انہاں جنگ مکاوݨ، غزہ دی تعمیرِ نو، فلسطینی عوام دی جبری بے دخلی روکݨ اتے جامع امن ودھاوݨ دی تجویز ݙتی اے۔ وزراء خارجہ امریکی صدر دے ایں اعلان دا وی خیرمقدم کیتے جو او مغربی کنارے دے الحاق دی اجازت نہ ݙایسن۔ وزراء خارجہ اے عزم دوہرائے جو او معاہدے کوں حتمی شکل ݙیوݨ اتے ایندے تے عملدرآمد کیتے امریکا اتے سارے فریقین نال مثبت اتے تعمیری ڳالھ مہاڑ کیتے تیار ہین تاں جو خطے اچ عوام کیتے امن، سلامتی و استحکام یقینی ٻݨائی ونڄے، او امریکا نال رل تے غزہ اچ جنگ ماکوݨ کیتے ہک جامع معاہدے تے کم کریسن جیڑھا غزہ کو?? وݙے پیمانے تے انسانی امداد دی بلا رکاوٹ ترسیل یقینی ٻݨیسی، فلسطینیاں دی بے دخلی روکیسی، یرغمالیاں کوں رہا کرویسی اتے اینڄھا سکیورٹی میکنزم ݙیسی جو سارے فریقین دی سلامتی دی ضمانت ہووے، مکمل اسرائیلی انخلا تھیوے، غزہ دی تعمیر نو کرے اتے ہک منصفانہ امن دی راہ کݙھے ڄیڑھی ݙو ریاستی حل دی بنیاد تے ہووے جیندے دے تحت غزہ کوں مکمل طور تے مغربی کنارے نال ضم کرتے ہک فلسطینی ریاست ٻݨائی ونڄے، اے ریاست بین الاقوامی قانون دے مطابق خطے دے استحکام اتے سلامتی کوں یقینی ٻݨاوݨ دی کنجی اے۔
.jpg)
