اسلام آباد۔28اگست(اے پی پی) وزیراعظم دے کوآرڈینیٹر صحت ڈاکٹر مختار احمدبھرتھ وزارت صحت ا??ے ایندے ماتحت ا??اریں دے سربراہان کوں سارے سرکاری امور ترجیح بنیاداں تے وختی نبیڑݨ دی ہدایت کیتی اتے آکھیے جو ایم ڈی کیٹس دے امتحان اچ شفافیت ہر صورت یقینی بݨائی ویسی ،ایم ڈی کیٹس دے پیپرز اچ کہیں قسم دی لیکج برداشت نہ کیتی ویسی ۔ وزارت صحت توں جاری بیان موجب اے ڳالھ انھاں اپݨی صدارت اچ وزارت صحت ا??ے ماتحت ا??اریں دے سربراہان دے اجلاس اچ آکھی اے ۔ اجلاس دا مقصد صحت دے شعبے اچ اصلاحات یقینی بݨاوݨ سانڳے اقد??ما?? دا جائزہ گھنݨا ہئی۔ اجلاس اچ ڈاکٹرمختار احمد بھرتھ ہدایت کیتی جو اداریں دے سربراہ ݙتے ڳئے اہداف دی ڈیڈ لائن موجب یقینی بݨاون جو ۔پی ایم ڈی سی ڈگریاں دی تصدیق، رجسٹریشن اتے لائسنسنگ بارے درخواستاں وختی نبیڑے ۔ایم ڈی کیٹس دے امتحان اچ شفافیت ہر صورت یقینی بݨائی ویسی۔ ایم ڈی کیٹس دے امتحان اچ شفافیت سانڳے سارے سٹیک ہولڈرز نال میٹنگ کرو ۔ ڈاکٹر مختار احمد بھرتھ ہدایت کیتی جو وفاق اتے صوبیں دیاں یونیورسٹیاں جیڑھیاں امتحان کرویندن انھاں نال رل تے حکمت عملی بݨاون ۔ ایم ڈی کیٹس دے امتحان اچ پیپرز آؤٹ تھیوݨ دیاں شکاتیاں ختم تھیوݨیاں چاہیدن ۔ پی ایم ڈی سی متعلقہ سٹیک ہولڈرز نال میٹنگ دے بعد وزارت صحت کوں تحریری طور تے ݙساوے ۔ وزارت صحت اچ نویں کالجز دی رجسٹریشن بارے ملݨ آلیاں درخواستاں کوں ھک ہفتے اچ نبیڑیا ونڄے ،پاکستان دی میڈیکل ایجوکیشن کوں اعلی معیار دے مطابق بݨاوݨا ہوسی تاں جو فارن سٹوڈنٹس پاکستان دی میڈیکل کالجز اچ تعلیم گھنن۔ڈاکٹر مختار بھرتھ آکھیے این آئی آر ایم ہسپتال کوں اپ گریڈ کیتا ویسی ۔ این آئی آر ایم ہسپتال کوں جدید خطوط تے استوار کرݨ دی لوڑھ اے ۔ایگزیکٹو ڈائریکٹر این آئی آر ایم 10 ݙینھ اچ ہسپتال دی بہتری سانڳے جدید تقاضیں موجب تجویزاں تے سفارشات بݨاون ۔ ہیلتھ ٹورازم کوں ودھارا ݙیوݨ سانڳے جامع پلان بݨایا ونڄے ۔ پاکستان اچ ہیلتھ ٹورازم دا ٻہوں پوٹینشل موجود اے
.jpg)
