اسلام آباد۔18اگست(اے پی پی)وفاقی وزیر موسمیاتی تبدیلی اتے ماحولیاتی رابطہ ڈاکٹر مصدق ملک آکھیے جو موسمیاتی تبدیلیاں پاروں کلاؤڈ برسٹ دی صورتحال پیدا تھیندی پئی اے، متاثرہ علاقیاں اچ انفراسٹرکچر دی بحالی کیتے بلا تفریق صوبیاں دے نال رل تے کم کریندے پئے ہیں، متاثرین دے نقصاناں دے ازالے کیتے پوری کوشش کریسوں۔ انہاں اے ڳالھ وفاقی وزیر اطلاعات عطا اللہ تارڑ اتے چیئرمین این ڈی ایم اے لیفٹیننٹ جنرل انعام حیدر ملک دے کٹھے میڈیا نال ڳالھ مہاڑ کریندے آکھی۔ ڈاکٹر مصدق ملک آکھیے جو وفاقی حکومت ماثریاں علاقیاں اچ پڄدی پئی اے، نقصان پورا کرݨ دی پوری کوشش اے، ایں توں پہلے ریسکیو اتے ریلیف آپریشن جاری ہین، لوکاں دی بحالی کیتے صوبائی حکومتاں نال رل تے بلا تفریق کم کریسسوں، کیوں جو ایں ویلھے ملک کوں ہک آفت دا سامݨا اے جیندے نال نمتݨ کیتے رل تے کم کرݨا ہوسی۔ انہاں آکھیا جو موسمیاتی تبدیلیاں بارے عالمی معیارات کوں ݙیہدے ہوئے اقدامات کیتے ویندے پین، این ڈی ایم اے دے تعاون نال مربوط حکمت عملی سامݨے آسی تاں جو ویلے توں پہلے لوکاں کوں آگاہی ݙتی ونجے، صوبائی حکومتاں لوکاں کون محفوط کرݨ دے اقدامات کرن، ایں سانڳے وفاقی حکومت تعاون کیتے تیار اے، موسمیاتی تبدیلیاں پاروں ساݙے گلیشیئر تیکھے پگھردے پئن ایندے نال خطرات وی ودھدے پین، شمالی علاقیاں دے پہاڑاں توں آوݨ آلا پاݨی دامن اچ نشیبی علاقے گلگت بلتستان، خیبر پختونخوا، آزاد کشمیر اتے راولپنڈی، اسلام آباد دے ملحقہ علاقیاں کیتے خطرہ اے۔ انہاں آکھیے جو سارے متعلقہ وزرا کوں وزیراعظم ہدایت کیتی اے جو او تیکھے متاثرہ علاقیاں اچ ونڄن اتے اتھاں لوکاں دی داد رسی کرن، متاثرہ علاقیاں اچ وݙیاں شاہراہواں کوں کھول ݙتا ڳئے اتے ٻیاں شاہراہواں اتے بجلی دا نظام جیڑھا وݙے پیمانے تے متاثر تھئے ایںدی بحالی کیتے وی اقدامات کریندے پئے ہیں، پی٩وݨ دا پاوݨ پچاوݨ ترجیح اتے، سارے متعلقہ وزرا بارشاں تے سیلاب توں متاثرہ علاقیاں اچ موجود رہسن، متاثرہ علاقیاں اچ مواصلات، پاݨی اتے بجلی دی بحالی دا نظام وی بحال تھیسی۔ ایں موقع تے چیئرمین این ڈی ایم اے لیفٹیننٹ جنرل انعام حیدر ملک وی میڈیا کوں سیلاب دے نقصانات اتے ایں سانڳے ہݨ تئیں دے اقدامات دا ݙسایا۔
.jpg)
