راولپنڈی۔27اگست (اے پی پی) وفاقی وزیر مذہبی امور سردار محمد یوسف آکھیے جو 12 ربیع الاول کوں ہر سال وانڳوں سرکاری طور تے 50 ویں سیرت کانفرنس دا انعقاد کنونشن سینٹر اسلام آباد اچ تھیسی جݙاں جو تنظیم تعاون اسلامی دے تحت ایں سال بین الاقوامی سطح تے 1500 سالہ جشن ولادت رسول ﷺ منایا ویسی۔اے ڳالھ انہاں راولپنڈی پریس کلب اچ محکمہ اوقاف مذہبی امور دے تحت زونل رحمت العالمین کانفرنس توں خطاب کریندیں آکھی۔ انہاں آکھیا جو پوری امت مسلمہ دی اے ذمے واری اے جو او اسلام اتے نبی آخر الزمان ﷺ دا پیغام پوری دنیا تئیں پُڄاوے کیوں ??و حضور صلی اللہ علیہ وسلم دے امتی ہووݨ دی وجہ نال اے امت، امت خاص اے?? انہاں آکھیا جو چارے صوبیں دے مذہبی امور دے سیکرٹریز کوں آکھیا ڳئے جو ایں عشرے اچ 12 ربیع الاول تئیں صوبائی، ڈویژنل اتے ڈسٹرکٹ دی سطح تے محافل میلاد دا انعقاد تھیوݨا چاہیدے۔ انہاں آکھیا جو مدارس دے طلباء اتے کالجز یونیورسٹیاں دے طلبہ و طالبات سودھے سارے نینگراں تئیں سیرت الن??ی ?? اتے اسلام دا پیغام پُجایا ونڄے تاں جو او قرآن و سنت دی تعلیمات موجب آپݨی زندگی گزار سڳن۔ سردار محمد یوسف آکھیا جو اساݙی کوشش اے جو دینی مدارس دے طلباء کوں وی وزیراعظم دے یوتھ پروگرام اچ شامل کیتا ونڄے تاں جو انہاں کوں دینی تعلیم دے نال ٹیکنیکل تربیت ݙے تے ݙوجھیاں مہارتاں توں فیدہ حاصل کرݨ دا موقع مل سڳے۔
.jpg)
