راولپنڈی۔3??ئی (اے پی پی) سیکیورٹی فورسز خیبر پختونخواہ (کے پی کے) وچ ترائے مختلف کاروائیاں دے دوران پنج خوارج دہشت گرداں کوں ہلاک تے ݙو کوں گرفتار کر گھدے۔ آئی ایس پی آر ولوں جاری اعلامیہ م??جب خوارج دی موجودگی دی اطلاع تے سیکیورٹی فورسز ولوں ضلع باجوڑ وچ انٹیلی جنس تے مبنی آپریشن کیتا ڳئے، آپریشن دے دوران سیکیورٹی دستیاں خوارج دے ٹھکاݨے کوں مؤثر طریقے نال ڳول گھدا تے شدید فائرنگ دے تبادلے دے بعد ٻہوں مطلوب خارجی فرید اللہ سودھے ترائے خوارج کوں جہنم واصل کر ݙتا ڳئے۔ انٹیلی جنس دی بنیاد تے ہک ٻیا آپریشن شمالی وزیرستان دے علاقے دوسالی وچ کیتا ڳئے۔ فائرنگ دے تبادلے وچ ݙو خوارج کوں سیکیورٹی فورسز مؤثر طریقے نال بے اثر کر ݙتا۔ اعلامیہ وچ آکھیا ڳئے ضلع مہمند وچ تھیوݨ آلے تریجھے مقابلے وچ، سیکیورٹی فورسز کامیابی نال خارجی دے ہک ٹھکاݨے دا پردہ فاش کیتا تے خارجی لال امیر ابراہیم سودھے ݙو خوارج کوں گرفتار کر گھدے ۔ آئی ایس پی آر آکھیا جو انہاں خوارج دے قبضے وچوں اسلحہ، گولہ بارود تے دھماکہ خیز مواد وی برآمد کیتے ، جیڑھے دہشت گردی دیاں ٻہوں کاروائیاں وچ سرگرم ہن۔ پریس ریلیز وچ آکھیا ڳئے جو علاقے وچ پاتے ونڄݨ آلے کہیں ٻئے خارجی کوں ختم کرݨ کیتے ص??ائ?? دیاں کاروائیاں جاری ہن کیوں جو پاکستان دی سیکیورٹی فورسز ملک وچوں دہشت گردی دی لعنت کوں مکاوݨ کیتے پرعزم اے۔
.jpg)
