اسلام آباد۔11جنوری (اے پی پی) صدر مملکت ڈاکٹر عارف علوی پاکستان اتے برطانیہ وچال ݙو پاسہ تجارت ودھاوݨ کیتے اقدامات کرݨ دی لوڑھ تے زور ݙیندیں ہوئیں آکھیا جو نویں موقع اتے منڈیاں دی ڳول، مصنوعات اتے خدمات کوں متنوع ٻݨاوݨ اتے ملک اچ اقتصادی اتے سیاسی استحکام کوں یقینی ٻݨا تے ݙو پاسہ تجارت ودھائی ونج سڳدی اے۔ ایوان صدر دے پر??س ونگ توں جاری بیان موجب صدرمملکت اے ڳالھیں پاکستان اچ برطانی?? دے سبکدوش تھیوݨ آلے ہائی کمشنر ڈاکٹر کرسچن ٹرنر نال ڳالھ مہاڑ کریندیں ہوئیں آکھی جنہاں بدھ کوں ایوان صدر اچ انہاں نال ملاقات کیتی?? صدرمملکت آکھیا جو ݙوہیں ملکاں وچال ݙو پاسہ تجارت کوں 2021 اچ 3.1 ارب ڈالر پاؤنڈ دی سطح توں ڳھٹ عرصے اچ ݙاہ ارب ڈالر سالانہ تئیں ونڄ سڳدی اے?? صدر مملکت برطانیہ دی ترقی پذیر ملکاں کیتے تجارتی سکیم اچ پاکستان دی شمولیت دی تعریف کریندیں ہوئیں ݙوہیں ملکاں اچ آزاد تجارتی معاہدے تے دستخط کرݨ کیتے پیش رفت تکھی کرݨ تے زور ݙتا۔ برطانوی ہائی کمشنر ایں موقع تے آکھیا جو پاکستان اپݨی انگریزی ٻولݨ آلی افرادی قوت اتے مشرقی وسطیٰ نال قربت پارو?? برطانوی کمپنیاں ولوں سرمایہ کاری کیتے موزوں ملک اے۔
