اسلام آباد۔13 مئی (اے پی پی) وزیر اعظم محمد شہباز شریف ہدایت ک??تی اص ٹیکس چوری کر آلے لوکاں اتے شعبیاں دے خلاف پوری کاروائی ک??تی ونڄے، ٹیکس چوراں دی مدد ??رݨ آلے افسراں اتے اہلکاراں دا وی سخت احتساب کیتا ویسی، ٹیکس چوری روکݨ کیتے جدید ٹیکنالوجی استعمال ک??تی ویسی۔ منگل کوں وزیر اعظم آفس دے میڈیا ونگ توں جاری بیان موجب وزیرِ اعظم محمد شہباز شریف دی صدارت اچ ایف بی آر دی ٹیکس دے دائرہ کار ودھاون اتے ٹیکس آمدن اچ ودھارے تے جائزہ اجلاس تھیا۔ ایں موقع تے وزیرِ اعظم ایں مالی سال اچ ایف بی آر دے آمدن دے اہداف دے حصول ڳھنݨ کیتے تیزی نال ودھن تے حکومتی معاشی ٹیم دی کوششاں دی تعریف کریندے ہوئیں آکھیا جو ایجھے لوک اتے شعبے جیہڑے ٹیکس ڈیوݨ دی طاقت رکھدن اتے ٹیکس نئیں ڈیندے، انہاں کوں ٹیکس نیٹ اچ گھن آندا ونجے۔ وزیرِ اعظم ہدایت ک??تی جو ٹیکس چوری ??رݨ آلے لوکاں اتے شعبیاں دے خلاف پوری کاروائی ک??تی ونجے، ٹیکس چوراں دی مدد کرن آلے افسراں اتے اہلکاراں دا وی سخت احتساب کیتا ونجے۔ ٹیکس چوری روکݨ کیتے جدید ٹیکنالوجی دا استعمال کیتا ونجے۔ وزیرِ اعظم آکھیا جو ٹیکس نیٹ اچ ودھارا حکومت دی پہلی ترجیح اے، ٹیکس دی شرح کوں گھٹ کر تے عام آدمی تے بوجھ کوں گھٹ ??رݨ چاہندوں۔وزیر اعظم ہدایت ک??تی جو سیمنٹ اتے بئے شعبیاں اچ ڈیجیٹل م??نیٹرنگ کوں ایں سال جون تئیں مکمل کیتا ونجے۔ تمباکو دے شعبے اچ ٹیکس آمدن دے حصول کیتے صوبیاں نال رل تے اقدامات تیز کیتے ونجن۔ ٹیکس بارے زیر التوا مقدمات دی مؤثر انداز نال پیروی کر تے ملک اتے قوم دے پیسے دا حصول یقینی ٻݨایا ونجے۔ انہاں آکھیا جوہ اللہ دے فضل و کرم نال ملکی معیشت مضبوط اتے ترقی آلے پاسے ودھدی پئی اے۔ ملکی ترقی کیتے ساریاں کوں آپݨی ذمہ واری نبھاوݨی پوسی۔ اجلاس کوں ڈسایا گیا جو پورے ملک اچ سیمنٹ پلانٹس اچ ٹریک اینڈ ٹریس سسٹم دے مکمل نفاذ نال ٹیکس آمدن اچ ارباں روپے دا ودھارا ممکن اے۔ اجلاس کوں ٻیا ڈسایا گیا جو کھنڈ دی صنعت اچ ایں نظام دے نفاذ نال نومبر 2024 توں اپریل 2025 تائیں ٹیکس آمدن اچ 35 فیصد دا ودھارا تھیا۔ اجلاس کوں ڈسایا گیا جو وزیرِ اعظم دی قیادت اچ ایف بی آر اصلاحات پاروں ٹیکس آمدنی دا جی ڈی پی دا 10 اعشاریہ 6 فیصد دا ہدف حاصل کر گھدا ویسی۔ اجلاس اچ وفاقی وزرا اعظم نذیر تارڑ، محمد اورنگزیب، احد خان چیمہ، عطاء اللہ تارڑ چیئرمین ایف بی آر اتے متعلقہ اعلی حکام شریک تھئے۔
