اسلام آباد۔9اکتوبر (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو ملک توں ??ھیک??ی دہشت گرد دے خاتمے تئیں جنگ جاری رہسی، پاکستان امن دا داعی اے اتے ہمیشہ امن دی ڳالھ کریندے، اس??ں آپݨی افواج دے رلے کھڑوں اتے ہر کوئی آپݨی ذمہ واری پوری کریسی۔ قومی اسمبلی اچ انہ??ں آکھیا جو ایں ایوان اچ آرمڈ فورسز دے افسراں و جواناں دی شہادت تے فاتحہ خوانی کروائی ڳئی۔ کابینہ دے اجلاس اچ وی متفقہ طور تے آرمڈ فورسز دیاں قربانیاں اتے وطن عزیز کیتے آپݨیاں جاناں دا نذرانہ پیش کرݨ آلے جواناں کوں خراج تحسین پیش کیتا ڳیا۔ انہ??ں آکھیا جو انہاں شہداء دیاں قربانیاں لازوال ہن، ہک ہک خاندان دا حوصلہ و عزم لازوال اے۔ انہاں دے حوصلے اُچے ہن، او وطن عزیز کیتے جاناں دی قربانی ݙیوݨ تے سجدہ شکر کریندن۔انہ??ں آکھیا جو معمول دی کارروائی معطل کرتے آپݨی آرمڈ فورسز اتے عسکری اداریں نال یکجہتی دا اظہار کریندوں تاں جو اڄ ایں ایوان توں اے پیغام ونڄے جو دہشت گردی دے خلاف جنگ اچ اساں متفقہ طور تے مسلح افواج دے رلے کھڑوں، اساں سارے ہک زبان و ہک جان ہیسے اتے آپݨی افواج دے رلے کھڑوں۔ انہ??ں آکھیا جو اساں ایں جنگ دے خلاف اتے چھیک??ی دہشت گرد دے خاتمے تئیں اے جنگ لڑسوں۔ انہ??ں آکھیا جو ایں جنگ اچ جیں دی جیڑھی ذمہ واری اے او ادا کریسی۔ اس??ں آپݨے ہمسائے ملکاں کوں وی اے پیغام ݙیوݨ چاہندوں جو پاکستان امن دا داعی اے اتے ہمیشہ امن دی ڳالھ کریندے۔ ایں توں پہلے وی معرکہ حق اچ آپݨے دفاع اچ جیڑھی کارروائی کیتی او پوری دنیا ݙٹھی۔ اڄ ساریں دی متفقہ رائے ہے جو اڄ دی کارروائی اچ آپݨی افواج اتے ایں جنگ اچ شریک سارے اداریں دے نال اتھوں ہک یکجہتی دا پیغام ݙیوں۔
