راولپنڈی۔ 24 ستمبر(اے پی پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا، نشانِ امتیاز، نشانِ امتیاز (ملٹری) ملائیشیا دے چیف آف ڈیفنس فورسز جنرل تان سری ایچ جے محمد نظام بن ایچ جے جعفر نال جوائنٹ سٹاف ہیڈکوارٹر اچ ملین۔ ݙوہاں فریقاں عالمی اتے علاقائی سلامتی دے بدلدے ماحول تے جامع ڳالھ مہاڑ کیتی اتے دفاع و سلامتی دے شعبیاں اچ باہمی تعاون دیاں نویاں راہیں ڳولݨ دی اہمیت تے الایا۔ ݙوہاں عسکری رہنماواں علاقائی سلامتی دی اُبھردیاں حرکات دی روشنی اچ عسکری سطح تے تعلقات ٻئے تکڑے بݨاوݨ دے اپݨے عزم دا اعادہ کیتا۔ معزز مہمان پاکستان دی مسلح افواج دے پیشہ ورانہ معیار، دہشتگردی دے خلاف جنگ اچ انہاں دی کامیابیاں اتے قربانیاں تے علاقائی امن اتے استحکام کیتے جاری کوششاں کوں سَراہا۔ ایں توں پہلے جوائنٹ سٹاف ہیڈکوارٹر پڄݨ تے معزز مہمان کوں گارڈ آف آنر پیش کیتا ڳیا۔
